朝日大勝 A V ラーメン

营业中

休息中

阿女又帶我去食好嘢！尖沙咀漆咸圍朝日大勝，餐廳地方不大，裝修擺設極具玩味性質，店內所有工作都係老闆一手一腳主理，招呼親善有禮，烹調技巧一流！沖繩龍蝦湯，湯底好濃郁，老闆話用咗多種海蝦如花竹蝦、赤蝦、九節蝦和虎蝦等熬煮而成。滿滿蝦膏蝦油香味，鮮味十足，曲麵煮得爽彈有口感，兩隻大蝦已經去殼去蝦腸，處理乾淨，食落鮮甜彈牙，叉燒炙燒過，鮮嫩焦香。食材如想再豐富可以加錢追加。呢碗加咗2片叉燒和一隻溏心蛋，溏心蛋生熟程度掌握得非常好，流心蛋黃同蛋白都好香滑又入味。蒜黑繪，湯底每天用超過20多斤豬骨熬製8小時而成，配搭埋黑蒜油，啖啖都充滿蒜香味，炙燒過的叉燒，豬肉油脂融入濃郁的湯，味道更濃厚。加二十至三十塊錢就有小食和飲品。吉列蝦外層鬆化，蝦肉爽口。炸廣島蠔肥美飽滿，鮮甜濃香。