豐盛牛肉麵

营业中

休息中

今日收工同朋友去食肆林立的土瓜灣北帝街搵食，主打台灣牛肉麵的小店，牆身掛滿食物海報， 馬賽克磚牆別具風格，餐牌顯示台灣牛肉湯麵、蕃茄湯麵、麻辣麵、台灣米飯、台式風味小吃及飲品。招牌豐盛牛肉麵有金錢、牛腩、牛筋、肉丸及滷蘿蔔，湯底濃厚麵條有彈性，幾款牛都好入味，金錢彈牙，牛筋軟糯，牛腩甘香，的確唔錯。椒麻三寶乾拌麵同樣有金錢、牛腩及牛筋，麵條更有彈性，椒麻醬汁麻酸辣配得好爽，喜愛食辣一定要試。小香腸拼鹽酥雞鹽酥雞又脆又咸又香，還原我在士林夜市嘅味道，台灣腸一啲都唔小相對大條，油香滿滿。酥炸花枝丸炸得非常均勻整粒金黃色，外面焦脆內裏彈牙，仲好香墨魚味。蔥油清菜第一次食呢個配搭，唐生菜無過火爽脆，蔥油醬汁加入乾蔥好香口。跟餐加幾蚊至十蚊有飲品，飲咗蜂蜜柚子茶同百風果綠茶，一啲都唔馬虎，又係正宗台飲味道。