桃里

营业中

休息中

逢假日如無預先訂枱，高級酒樓吾荒有位，當日聖誕假，即慶去尖東遊逛，第一時間去我愛九龍香格里拉香宮，要到2:30有位，再去海景嘉福海景軒，同樣情形。唯有此處，只剩一張2位枱，房内有張海景枱，俾人訂咗。任點任食潮流連高級中餐廳都推出，這裏竟然有任點任食點心套餐，會景的金紫荆又係咁，雖然任點任食是低，但是始终一般及基本的點心，像我貪新鮮，吸引唔到我，點心餐牌唔多選擇（像萬麗酒店滿福樓點心選擇少，顧客多數要點套餐和小菜）。川味西芹腰果肉丁$188，因我們唔食得辣，經理說可以微辣，叫碗白飯，份量足，微辣幾醒胃，肉丁有部份靭，西芹爽口，令我掛念香宮的雞蓯菌腰果茄丁。點粉粿，蟹籽燒賣，材料新鮮，唔會太咸，保持原味，未有超準。要推介黑糖千層糕，軟軟熟熟，好似厚身熱香餅。食物合乎高级餐廳水準，就好似佢的環境裝修一樣，需無特别，合乎水準，價錢配合，滙豐金咭8折。