更多
2020-12-11
53 浏览
係我心目中KOI既芋圓真係無人能及,每個月都要飲返一、兩次先得😚上星期黃昏去旺角買🥤時見到隔離既登打士廣場原來有唔少餐廳,等拎飲品期間門口有兩個妹妹分別遞左兩間餐廳既傳單埋黎,比較完之後覺得今次介紹既呢間樓上cafe食物睇落幾吸引,價錢亦唔算太貴,考慮左陣就決定先係旺角兜返轉,飲埋杯🥤再上去食野🍴.電梯門一打開,最引人注目既係店內擺正中間成件藝術裝置咁既波波燈樹💡,加埋cafe既燈光比較昏暗,顯得呢度都幾有情調同氣氛🤣樓上cafe既好處就係無用餐時限,而呢度亦唔少board game可以提供俾客人借用,非常適合同朋友上黎食住野傾下計💬,玩下遊戲🎴咁.當日我地點左cafe既二人套餐,368蚊(未計加一)包一客小食、兩款主菜、兩款甜品同兩杯熱飲;以同區其他樓上cafe五、六十蚊食到一客意粉黎作比較,套餐既價錢並唔算話非常抵食,不過當我地食過呢餐之後都一致認為呢度既食物都幾高質,有驚喜之外仲物有所值,都幾值得推介👍🏻******************************🍴二人套餐 ($368)✨芝士煙肉黑松露焗大磨菇🍄大磨菇🍄非常新鮮,咬落去好juicy仲好有口感👅 面頭既黑松露醬味道
上星期黃昏去旺角買🥤時見到隔離既登打士廣場原來有唔少餐廳,等拎飲品期間門口有兩個妹妹分別遞左兩間餐廳既傳單埋黎,比較完之後覺得今次介紹既呢間樓上cafe食物睇落幾吸引,價錢亦唔算太貴,考慮左陣就決定先係旺角兜返轉,飲埋杯🥤再上去食野🍴
.
電梯門一打開,最引人注目既係店內擺正中間成件藝術裝置咁既波波燈樹💡,加埋cafe既燈光比較昏暗,顯得呢度都幾有情調同氣氛🤣
樓上cafe既好處就係無用餐時限,而呢度亦唔少board game可以提供俾客人借用,非常適合同朋友上黎食住野傾下計💬,玩下遊戲🎴咁
.
當日我地點左cafe既二人套餐,368蚊(未計加一)包一客小食、兩款主菜、兩款甜品同兩杯熱飲;以同區其他樓上cafe五、六十蚊食到一客意粉黎作比較,套餐既價錢並唔算話非常抵食,不過當我地食過呢餐之後都一致認為呢度既食物都幾高質,有驚喜之外仲物有所值,都幾值得推介👍🏻
******************************
🍴二人套餐 ($368)
✨芝士煙肉黑松露焗大磨菇🍄
大磨菇🍄非常新鮮,咬落去好juicy仲好有口感👅
面頭既黑松露醬味道香濃,加埋芝士🧀、煙肉🥓同沙律醬令蘑菇更加美味同富有層次感😋
-
✨特濃龍蝦汁帶子蟹肉意粉🦞🦀🍝
一開始見到呢客意粉被龍蝦汁淹沒,不由自主地覺得好似快餐店出品既咁,意想不到既係試過味之後係會令人感到意外🤩
龍蝦汁🦞既味道極為濃郁,偶爾仲會食到有種好似蟹黃既味道,絕非罐頭龍蝦湯貨色,亦唔會好似某d龍蝦汁咁食完會覺得喉涸🙉
帶子睇落細細粒,估唔到食落爽口又鮮甜,加埋灸燒過既蟹肉🦀,令呢客意粉既海鮮味道就更上一層樓👐🏻
雖然意粉唔算好彈牙,勝在軟硬度適中同埋掛汁力不俗令每一撮都沾得到龍蝦濃汁,個人認為呢客意粉都幾高質👍🏻
-
✨德國鹹豬手配薯角🍖🥔
第二道主菜上桌同樣令人有驚喜,因為左右兩邊既豬手同薯角份量同樣咁多,完全唔知應該將焦點放係邊度好🤷🏻♀️
搽左蜜糖🍯同灑上胡椒碎既豬手🍖外皮味道甜甜地咁仲非常彈牙,肉質除左醃得夠入味仲夠嫩滑,一件接一件咁食都唔會覺得膩口🙈 重點係上桌時已經切好晒唔需要客人親自落手原隻咁切🔪,岩晒我呢種為食既懶人🤣
至於有皮薯角🥔係新鮮炸起夠晒熱辣辣♨️,每一舊都係金黃色兼唔會炸到甩皮甩骨得個殼,食起黎外脆內軟,落手拎黎食都唔會搞到成手油,而且份量更加係多到成個鐵桶仔都滿晒,非常大方👍🏻 呢客主菜就算係3個人share都夠分🤓
-
✨提拉米蘇🍰
相比主菜,呢份甜品就稍為令我覺得失望😣
原來呢度既tiramisu係一件蛋糕,同平時係餐廳食開既一杯杯係有出入,少左份濕潤感,口感稍為偏乾,咖啡味☕️同酒香味唔太突出仲少左傳統tiramisu會有既手指餅;反而蛋糕既表面灑滿可可粉,食既時候會黐到成嘴👄都係(棚牙🦷先係最誇張...😂),如果情侶👩🏻🤝👨🏼黎呢度,為左避免出洋相就最好就唔好揀呢款啦🤣🙈
-
✨士多啤梨比利時窩夫🧇
窩夫有士多啤梨🍓同榛子朱古力🍫兩款口味,大概只係士多啤梨醬同朱古力醬既分別🧐
套餐包既窩夫係一塊分成兩部分,有別於一般窩夫個種好似鬆餅又綿又Q既口感,呢度既窩夫反而係烤到脆卜卜,有d似係窩夫脆餅,差別在於食緊既呢塊係激厚版🤣
至於味道就正常,作為飯後甜品都不錯👌🏻
-
係呢度要飲杯野飲都唔容易,事關選擇有成過百款,單係茶飲🍵就已經有幾十款荷蘭茶、花茶、紅綠茶同花釀可以揀,另外仲有唔少梳打、沙冰、乳酪、椰果、奶昔系列特飲🍹;好似我咁想飲杯朱古力🍫,都仲要考慮到底要純朱古力奶 /有朱古力碎/沙冰/奶昔/有咖啡既Mocha,真係會令人睇到眼花撩亂🤣
當日就點左呢杯栗子碎碎朱古力,栗子🌰味道夠天然,整體唔會過甜,面頭有d朱古力穀物脆脆增加口感,最重要係唔需要飲冰沙🧊都可以有朱古力碎係杯飲品內,岩晒唔想飲冰沙既女生👧🏻
-
✨鳳梨沙冰🍍 (套餐轉配加$20)
呢杯鳳梨沙冰澎湃列好似成枝冰柱插係隻玻璃杯度,認真誇張😱 當日店員捧過黎時都有溫馨提示要盡快飲用,所以我地影完相📸之後都不敢怠慢🤣
除左鳳梨🍍既味道,呢杯沙冰仲有少少乳酸味,飲落酸酸甜甜非常開胃,岩晒今餐咁豐富既晚餐🤗
******************************
👧🏻人均消費:$205 (另+10%服務費)
😋味道指數:4/5
💰抵食指數:3.5/5
🪑環境指數:3.5/5
💁🏻♀️服務指數:3.5/5
👍🏻再訪指數:3.8/5
-
📍Go Dutch Cafe
地址:旺角登打士街43H號登打士廣場10樓
⏰營業時間:12:30–23:45 (Mon–Sun)
张贴