最近發現新城市廣場三期開咗一間樂天皇朝，之前喺旺角曾經食過，一直好回味佢嘅八色小籠包，於是呢晚一於再去試吓
餐廳非常容易搵到，一落到去一樓就即刻見到，門口可以見到好多師傅喺廚房整緊野食，不斷包緊小籠包，果然夠晒新鮮，唔係預製菜
3
6
3
坐低左慢慢睇餐牌除咗有出名既八色小籠包外，仲有好多唔同款式既上海菜，近期推介既更有用蟹入饌既菜式，凈係睇圖片都花多眼亂，於是決定每個類別都試少少
唔洗一陣間食物已經熱辣辣送到，熱氣仲不斷飄出黎添，賣相非常吸引
1
首先有芝麻醬油麥菜，呢道菜睇落好似普通沙律，但食落口就完全唔簡單
油麥菜爽脆得嚟唔會太生，仲有條青瓜絲綁住，好似小禮物咁精緻
最精彩係個芝麻醬，香濃得嚟唔會太膩，帶少少甜味，仲有啲似花生醬嘅口感，同菜式一齊食真係好夾
之後有京醬肉絲，呢道菜啖啖都係濃郁醬香
肉絲炒得好滑，唔會乾柴，每條都均勻地掛住甜中帶鹹嘅京醬，仲有少少煙韌口感，好有層次
底下墊住啲爽脆洋蔥絲，食落去有啲清新感，唔會太膩
配埋旁邊啲薄餅皮一齊食，包住肉絲同洋蔥，咬落去又香又滑，好似食緊北京烤鴨咁有儀式感
終於到左餐廳推薦菜式小籠包，招牌原味真係最經典
皮薄得嚟唔會穿，輕輕夾起仲見到入面啲湯汁喺度搖搖欲滴
咬開一口，先係爆湯，熱辣辣又鮮甜，完全唔油膩；之後係肉餡，豬肉好嫩滑，調味啱啱好，唔會搶走湯嘅鮮味
成個口感由湯到肉再到皮，層次分明，好有滿足感
呢個係菜肉雲吞豬骨湯拉麵，一上枱就聞到香味，湯底係重點，豬骨湯煲得夠火候，飲落去濃郁又唔會太油
拉麵係偏幼身，唔會太硬，掛湯力十足，每啖都吸晒精華，而雲吞就更加唔可以忽略，皮薄餡靚，菜肉比例啱啱好，唔會太重口味，啱晒配濃湯
最後甜品有宮廷驢打滾，呢款甜品睇落簡單，但食落去層次好豐富
外層係黃豆粉，香氣十足，入口即化，帶少少焦香味；入面係糯米皮，煙韌得嚟唔黐牙，咬落去有啲彈性，好有口感
中間仲包住紅豆餡，唔會太甜，豆香濃郁，同外層嘅豆粉好夾
1
埋單五百蚊都唔洗，食到勁飽！！
