美味的泰國菜

营业中

休息中

呢間小店位於長沙灣，如同名所講，主打美味泰國菜，由泰國人主理，粉麵飯、咖喱、串燒、海鮮、炸物、甜點、飲品，樣樣有齊，價格親民，難怪大受歡迎。店內環境雖小但五臟俱全，見好多人叫外賣，店員服務態度友善，食物即叫即整新鮮熱辣辣，等候時間唔算好耐，試試無妨。前菜小食有串燒拼盤，豬牛雞各一，適合同朋友仔Share，個人最鍾意豬肉，咬落嫩滑，搭配醬汁更惹味，牛同雞都唔錯，肉香，性價比高。椰汁雞湯同樣出色，配料十足，雜菇、番茄、大件雞肉等，散發著淡淡椰香氣，入口順滑，唔覺放重味精，飲完都唔會覺得口感。主食有金邊粉，炒得夠有鑊氣，濕潤程度適中，調味唔算好濃，唔油唔膩、豬腳飯反而有驚喜，燉至入味，皮滑啖啖肉，配埋白飯同太陽蛋，讚！甜點有芒果糯米飯，又熱又軟熟，芒果酸甜，幫助解膩，搭配經典龍眼冰同泰奶，滿足。