影片
更多
2023-06-01
88 浏览
我最鍾意去啲日式cafe食下甜品，呢間Bookmark咗好耐，Long Weekend就KO咗佢！我喺OpenRice book咗位，見lunch time時間出面都多人等位。岩燒芝士多士 $68完全比menu張手繪圖fake咗，示意圖點睇都係勁厚身，似用2塊厚多士整到成個立方體咁。一上嚟，得1塊厚多士，我已經失望喇🥲。所幸塊多士都唔錯，雖然焗過但都keep到多士軟身。上面係薯蓉溝忌廉加上芝士，唔會好漏，但再加上parma ham整體偏鹹。極．日式布甸船 $108係日式布甸＋Lotus餅碎chesse cake＋生果。日式布甸唔錯，重蛋味、幾滑、幾creamy👍🏻👍🏻，但味道比較單調，似中式冰糖燉蛋。Lotus餅碎chesse cake我唔鍾意，太漏、太甜，好似食緊啖啖whipping cream咁🥲。生果：青提好細粒偏酸； 士多啤梨未熟，咬落去係脆。車厘子太熟基本上唔使咀嚼。草莓沙冰 $48同我expect嘅質地唔一樣，比較稀。但底似係加咗啲乳酸飲品，所以成杯嘢都好酸。焙茶牛乳（凍） $45好重粉感，飲落去淡淡粉，唔鍾意。服務一般香港水平，唔好expect係日式cafe而會有日式服務
😂
📍喫茶ちょうぼ
銅鑼灣告士打道280號世貿中心4樓8號舖
我最鍾意去啲日式cafe食下甜品，呢間Bookmark咗好耐，Long Weekend就KO咗佢！我喺OpenRice book咗位，見lunch time時間出面都多人等位。
岩燒芝士多士 $68
完全比menu張手繪圖fake咗，示意圖點睇都係勁厚身，似用2塊厚多士整到成個立方體咁。一上嚟，得1塊厚多士，我已經失望喇🥲。所幸塊多士都唔錯，雖然焗過但都keep到多士軟身。上面係薯蓉溝忌廉加上芝士，唔會好漏，但再加上parma ham整體偏鹹。
極．日式布甸船 $108
係日式布甸＋Lotus餅碎chesse cake＋生果。日式布甸唔錯，重蛋味、幾滑、幾creamy👍🏻👍🏻，但味道比較單調，似中式冰糖燉蛋。Lotus餅碎chesse cake我唔鍾意，太漏、太甜，好似食緊啖啖whipping cream咁🥲。生果：青提好細粒偏酸； 士多啤梨未熟，咬落去係脆。車厘子太熟基本上唔使咀嚼。
草莓沙冰 $48
同我expect嘅質地唔一樣，比較稀。但底似係加咗啲乳酸飲品，所以成杯嘢都好酸。
焙茶牛乳（凍） $45
好重粉感，飲落去淡淡粉，唔鍾意。
服務一般香港水平，唔好expect係日式cafe而會有日式服務～同埋個冷氣都幾凍，未坐夠佢嘅用餐時間90分鐘就已經凍到走咗🥶。個打卡位係放喺門口嘅，實在冇呢一個面皮當住咁多排隊嘅客人面前影相😂
张贴
