林洪記

营业中

休息中

林洪記-街市中的蒸氣火鍋蒸氣火鍋係香港都流行咗一段日子，但弱弱既我竟然未試過，經朋友帶路黎咗長沙灣街市，完全冇諗過街市裏面會有蒸氣火鍋食。坐低冇幾耐，服務員就已經拎咗一大盆海鮮拼盤過黎，全部海鮮都係即叫即劏，上到枱時仲識郁，超級新鮮，忍唔住要即刻開動。食店非常貼心，溫馨提示食客各食材烹煮時間，唔驚錯過最佳進食時間。由於蒸氣火鍋，食材冇加任何調味料，所以食材一定要夠新鮮，唔係一食就會知道，而咁多食材之中，我最鍾意就係蒸雞件，除咗嫩滑之外，仲好有雞味。另外就係龍蝦，有我隻手掌咁大隻，仲要有膏，肉質爽口彈牙，唔駛落豉油都已經好鮮味。蒸完海鮮之後，我已經急不及待轉打邊爐，先黎飲一啖湯頭，非常鮮甜，完全吸收晒之前既精華。自選配料都有幾多選擇，特別係出面好少有既新鮮雞腸。兩個鐘頭不斷refill食物，又蒸又打邊爐，以哩個價錢真係物超所值。