𝐏𝐈𝐂𝐈 🍝
PICI每個月都推出限定主題特惠菜式 就大家都知
係十月期間限定 竟然係我最愛既 - Truffle Season
松露季推出一系列全新松露菜式同甜品 包括
白蘆筍松露、松露火腿意粉、松露卡邦尼、紫薯Tiramisu等等 全部都很合我口味
✨Set Dinner ($488/2pp)
including Starters x2, Pasta x3, Dessert x2
𝐒𝐭𝐚𝐫𝐭𝐞𝐫𝐬
🥗White Asparagus & Truffle Egg Mayo
白蘆筍松露蛋沙律— 嚴選意大利Bassanese白蘆筍
入口清甜 帶微微堅果香 口感鮮嫩多汁
連埋松露味日本蛋黃醬同新鮮黑松露刨片一齊食
香氣層層疊加 味道濃滑 食完即刻想再encore!
🥗 Mussels Cocotte
用上肉質肥美爽滑既新鮮黑青口 配搭濃郁香草蕃茄醬
酸甜平衡 香草清新 微辣醒胃
𝐏𝐚𝐬𝐭𝐚
🍝Pici Truffle & Parma Ham
松露火腿手工麵 — 質感煙韌彈牙 配濃滑松露忌廉醬
每條闊麵條都掛有醬汁 加入連埋即刨新鮮黑松露食
食落有淡淡松露香氣 再配上鹹香Parma火腿 油脂豐盈
但唔會膩 鹹香同松露香融合得好好 口感味道層次都豐富
🍝 Fagottelli Truffle Carbonara
松露卡邦尼意式雲吞 — 自家製Fagottelli雲吞皮薄餡多
內裡係松露麵團餡 上面撒滿黑松露刨片、鹹香既Parmigiano芝士、蛋香同脆口Guanciale豬面頰肉碎
整體香氣撲鼻 濃而不膩
🍝 Fettuccine Creamy Lobster (+$40)
澳洲龍蝦扁麵 — 龍蝦肉粒爽彈鮮甜 帶辣蒜香海鮮湯底
醬汁仲用左鹹香鯷魚忌廉調味 鹹、酸、鮮平衡
帶有淡淡白酒香 每條寬麵都掛滿海鮮精華
𝐃𝐞𝐬𝐬𝐞𝐫𝐭
🧁 Sweet Potato Tiramisu
紫薯味既Tiramisu 麵係第一次食 口感同平時一樣絲滑
食落多左一份自然甜香味 面頭灑上香脆合桃 增加咬感Mascarpone餅底柔滑順口 輕盈不膩
🧁 Panna Cotta
每次必點— 奶凍入口超滑 奶香濃郁但唔會太膩
紅莓醬微酸微甜 果香同奶香互相補足 比例剛好
