泰國婆

营业中

休息中

見到呢間好多人等位，我都去咗試吓！餐廳都幾大，以木系爲主調，座位寬敞舒服💕泰式柚子鮮蝦沙律🥗：酸酸甜甜嘅柚子再加上爽口嘅鮮蝦，好清新，令人食得開胃🩷咖喱麵包軟殼蟹：咖喱同脆口嘅軟殼蟹放入麵包內，賣相好吸引😍 麵包外脆內軟，加上咖喱一齊食，好正！泰式燒豬豬頸肉🐽：燒豬頸肉點上秘製泰式醬汁，惹味而不油膩。串燒拼盤（雞、牛、豬）: 我哋揀咗牛同雞各三串， 每一串肉都烤得啱啱好，外焦內嫩，可配搭沙嗲醬一齊食💕不過如果沙嗲醬杰身啲會比較好。泰式乾炒豬肉片河粉： 有豬肉片、粟米芯、蛋同芥蘭一齊炒河粉，夠晒鑊氣，食得滋味👍