La Vista

之前去過幾次呢邊, 近酒店好似一個東南亞小區咁好多特色菜, 今次就上咗樓上試呢間墨西哥菜餐廳好貼心咁當一有空枱就為我哋安排調返去窗邊位可以享受海景, 好有情調必食tacos我哋揀咗pork tacos, 微微辣加埋豬肉絲, 仲食到啲芒果粒嘅甜味～仲揀咗個湯, 係好特別有特色嘅味道, 第一次飲加咗牛油果嘅湯🤣 但又唔會唔夾都幾順口重頭戲叫咗個grilled rib eye, 鐵盤吱吱聲咁上噴晒煙真係超級香! 食落口好香炭燒味而且肉質軟稔一啲都唔韌, 爆香咗嘅洋蔥三色椒又好惹味, 呢個大推! 最後食埋甜品churos, 脆口鬆化, 最中意佢係配朱古力醬外有拖脆醬! 滿足!