泰源獅城風味

营业中

休息中

來到旺角太子附近，位於西洋菜南街新開嘅《泰源獅城》有肉骨茶、海南雞飯......新加坡肉骨茶套餐～邊度嘅肉骨茶無限添飲，味道唔錯，套餐有油條+米飯+飲品，精選排骨~其他套餐有唔同嘅排骨配搭，仲有邪惡嘅豬內臟，食四寶嗰個就可以齊曬喇！精選一字骨一份有三/四條，都炆得好夠淋。新加坡海南雞飯油飯(秘製酸瓜)套餐~海南雞皮香肉滑，肉質鮮嫩，正！油飯都可轉喇沙米線，都幾大碗，喇沙味道唔錯，湯底夠香濃。鹵水三拼盤~豬腩+豬耳+雞蛋，下面仲有豆腐，豬腩肉入口啖啖肉，豬耳夠爽口。鹵水大豬腳(半隻)~豬腳炆得夠淋也夠味，食肉獸朋友一定好喜歡。龍鳳檸檬可樂及龍鳳檸檬雪碧~價錢可以有特飲，龍鳳即係鹹檸檬+檸檬，消暑解熱最啱配肉。