影片
更多
2023-11-13
25 浏览
今日同大家介紹嘅呢一間Cafe位於杏花邨，杏花邨出名係美食沙漠，商場入面大部份都係一式一樣嘅連鎖經營食肆。今日介紹嘅呢間餐廳係少數嘅小店，餐廳位置闊落，裝修以花系為主。-蟹肉牛油果意大利飯 $82-日式原條鰻魚意大利飯 $115今次我哋係lunch time嚟嘅，價錢方面唔算話太貴，大部份食物$100內。兩款意大利飯嘅軟硬度適中，前者配咗蟹肉牛油果，牛油果撈埋意大利飯，令到意大利飯變咗綠色，不過整體都幾夾。另外日式鰻魚飯成條嘅鰻魚都幾大份，鰻魚汁嘅味道好濃郁，相較之下鰻魚意大利飯做得更出色。-洋甘菊茶 +$18-焙茶拿鐵 +$21午市套餐可以加錢轉一啲特色飲品，例如今次嘅洋甘菊茶原壺上，有提神嘅作用。焙茶拿鐵味道濃郁，另外亦有拉花。📍 走過十萬八千里找到你 (杏花邨)杏花邨盛泰道100號杏花新城地下G41A號舖
今日同大家介紹嘅呢一間Cafe位於杏花邨，杏花邨出名係美食沙漠，商場入面大部份都係一式一樣嘅連鎖經營食肆。今日介紹嘅呢間餐廳係少數嘅小店，餐廳位置闊落，裝修以花系為主。
-蟹肉牛油果意大利飯 $82
-日式原條鰻魚意大利飯 $115
今次我哋係lunch time嚟嘅，價錢方面唔算話太貴，大部份食物$100內。兩款意大利飯嘅軟硬度適中，前者配咗蟹肉牛油果，牛油果撈埋意大利飯，令到意大利飯變咗綠色，不過整體都幾夾。另外日式鰻魚飯成條嘅鰻魚都幾大份，鰻魚汁嘅味道好濃郁，相較之下鰻魚意大利飯做得更出色。
-洋甘菊茶 +$18
-焙茶拿鐵 +$21
午市套餐可以加錢轉一啲特色飲品，例如今次嘅洋甘菊茶原壺上，有提神嘅作用。焙茶拿鐵味道濃郁，另外亦有拉花。
📍 走過十萬八千里找到你 (杏花邨)
杏花邨盛泰道100號杏花新城地下G41A號舖
张贴
