十二味 (黃大仙中心南館)

营业中

休息中

午餐嚟到黃大仙食十二味，之前食過佢嘅麻婆豆腐，今次就決定食佢嘅青檸杏仁蝦球。餐廳都幾乾淨。杏仁青檸蝦球，$138，兩個人一齊分享，剛剛好，佢呢一碟餸大概有10個蝦球。蝦球炸得非常金香，再配埋西檸汁，而且仲開埋邊，食落就更加安心，而且更加入味。一路食嘅時候，感覺上仲有少少鹹蛋味，我覺得佢應該有加埋鹹蛋碎去炸，都幾有風味。當然亦都要配埋白飯一齊食，如果唔係就會太膩。最後我亦都叫咗呢到好出名嘅桂花冰釀，甜甜嘅糯米酒，再配上桂花嘅清香味，完全消除左食炸嘢嘅油膩感。