炑八韓烤 (屯門市廣場2期)

营业中

休息中

午餐諗住食韓國野就去左呢間分店，叫左個牛肋骨鍋同安東雞鍋，另外追加甜辣炸雞。估唔到既係，成餐最好食既野係泡菜。以前係荃灣分店食過牛肋骨鍋，印象中好好食，但今次完全唔夠入味。之前都有係屯門分店食過，啲質素都算係不過不失，今次食完只可以話啲質素愈來愈差。安東雞啲肉算係幾滑嘅，啲蘿蔔都唔錯，但最接受唔到嘅係兜雞真係勁甜，甜到食糖水咁。碟炸雞可以話係呢間野既招牌食品，食過一次唔會想再去食。一來賣相已經唔得，甜辣炸雞得少少汁淋係面都算，啲粉唔鬆脆，一咬就散，大半舊雞都係炸粉同膏，得果兩啖肉，真係未食過咁難食既炸雞。個碟仲有薯條，薯條好淋，不過已經係全碟最好食既野，真係極度失望。