天龍燒鵝 (新禧大樓)

营业中

休息中

見網上好評如潮。每次經過都未開門今日等晏晝去試下。叫咗燒腩仔燒鵝套餐。跟一個湯，一個蠔油菜心，同一個蒜蓉醃青瓜。菜心味道唔錯。幼嫩好食。醃青瓜出乎意料好味。我本身一向都唔鍾意食呢類做法嘅青瓜都覺得好食，差唔多食曬成碟。例湯正正常常不過唔夠熱，白飯正常。凍檸茶非常唔掂。冇茶味冇檸檬味。燒腩仔味道麻麻地有少少過鹹，而且肥瘦比例亦都唔係咁好。肥肉占六成。皮脆脆地但係唔算特別脆。燒鵝就真係有啲失望。有少少凍。皮薄。但係唔脆。可能係凍咗嘅關係。脂肪唔算多d肉好嫩滑。冇騷味但係亦都冇乜鵝味。油脂唔多。如果100分滿分我比，油菜80分，青瓜95分，燒腩仔65分，燒鵝75分，，成個餐食落都還可以，價錢唔算貴。都算合理。但食店環境麻麻地。我去到嘅時候地下好多水濕濕納納。周圍亦都放咗好多雜物。坐落真係覺得唔係咁舒服