CoCo壹番屋 (皇室堡)

营业中

休息中

大家都話日本嘅coco好好食，未試過，先黎試下香港嘅coco先。作為一間日式食店，居然係零服務……無人帶位，唯有自己行入去，時間尚早，周圍都係吉枱，但店員堅持要我倆坐係兩邊有人嘅中間枱，仲要隔離位姐姐張啲紙袋擺哂上長凳上，我行入去個陣掃低左個兩個紙袋，換黎一個必然嘅黑面，唔明點解咁多位都要迫？？都係突然咖哩引起先黎食咖哩飯啫，無叫餐，因為睇落唔吸引。menu簡單，黎不去都係個啲大路野，快快落order，免得一陣但店員走左就揾唔到人。咖哩蝦飯，真係同menu一樣得八粒蝦，賣相麻麻地。要左少辣，少飯，份量都算合理。咖哩味不算香濃，少辣可說是完全唔辣，對我呢啲唔食得辣嘅人黎講都完全入到口。蝦中規中矩，雪蝦feel。另一個要左蜆肉蕃茄奄列咖哩飯，店員話奄列飯無得揀辣度同飯量。蜆肉可說是很多，比起蝦肉，蕃茄都有數粒嘅。咖哩完全不辣，蕃茄味蓋過哂咖哩味，似係食緊茄汁飯。蛋很嫩，都幾好食嘅。除左落單同埋單個下，完全見唔到店員，想要杯水難過乜……食完呢但碟頭飯，雖然飽但不滿足到咖哩引，改日再戰別處吧。