又一川

营业中

休息中

見又一川好似喺呢個位開咗好多年，但次次經過都係為咗撘小巴，一直未有試。呢日終於又再經過，專誠入去食個lunch。格局比較舊式沉實，一入鋪已經聞到陣陣麻辣香氣。以鋪仔lunch價錢嚟講唔叫平。🌪牛肉/午餐肉撈酸辣粉 睇落幾大碗，不過薯粉煮得比較腍身，唔係煙韌彈牙，而且味道真係好一般，聞仲香過食，不夠酸不夠辣。44蚊一碗兩餸麵，午餐肉嘅份量少得可憐，仲係碎上😂完整一塊都冇，味道仲要唔係好食嗰種午餐肉，牛肉亦都只係得兩三塊。🌪七味煎雞翼賣相偏燶偏油，入口成口油🙈碟底都滿哂油，味道一般，而且細隻。