影片
更多
2019-06-23
27 浏览
期待左勁幾耐老媽拌麵終於開張~仲要係我屋企附近!梗係第一時間去試試!我地兩個人就叫左2個麵2個小食同兩杯飲品。台灣香腸好正宗既台灣香腸，我地係台灣食既通常一大支就咁食，呢度就切片上，呢種食法令香腸更脆口，係似臘腸既質地，咬落去帶油香酥炸甜不辣鍾意煙韌口感既一定要試下~外層咬起來很酥脆，入面煙韌彈牙，甜不辣醬酸酸甜甜好好味~地獄麻辣牛拌麵可以選擇粗麵或幼麵，呢次就試下粗麵先，係刀削麵的樣子~醬汁果然好地獄!麻辣味十足，鍾意食辣既朋友一定食得好過癮!而牛肉質感都好特別，完全唔韌一咬即斷，拌勻醬汁食成個麵好濃味，食到唔夠喉想叫多碗。蔥油嫩雞拌麵呢個拌麵比較清淡，麵下面有蔥油醬汁但份量唔算多，喜歡清淡口味既朋友會表示滿意。嫩雞係拆左骨既雞肉，肉質嫩滑。不得不提兩款麵當中既溏心蛋，蛋黃呈鮮橙色好吸引~蘋果梳打蘋果梳打好香甜，解辣一流!阿里山高山冷泡茶用樽裝一大支，入面一大個茶包用冷水浸泡，雖然冷泡茶茶色較淺但原來茶味都好濃，而且一D都唔苦，夏天飲非常健康解渴!新開張未有全部款式供應，不過咁近屋企下次一定要黎試埋其他~
台灣香腸
好正宗既台灣香腸，我地係台灣食既通常一大支就咁食，呢度就切片上，呢種食法令香腸更脆口，係似臘腸既質地，咬落去帶油香
酥炸甜不辣
鍾意煙韌口感既一定要試下~外層咬起來很酥脆，入面煙韌彈牙，甜不辣醬酸酸甜甜好好味~
地獄麻辣牛拌麵
可以選擇粗麵或幼麵，呢次就試下粗麵先，係刀削麵的樣子~醬汁果然好地獄!麻辣味十足，鍾意食辣既朋友一定食得好過癮!而牛肉質感都好特別，完全唔韌一咬即斷，拌勻醬汁食成個麵好濃味，食到唔夠喉想叫多碗。
蔥油嫩雞拌麵
呢個拌麵比較清淡，麵下面有蔥油醬汁但份量唔算多，喜歡清淡口味既朋友會表示滿意。嫩雞係拆左骨既雞肉，肉質嫩滑。不得不提兩款麵當中既溏心蛋，蛋黃呈鮮橙色好吸引~
蘋果梳打
蘋果梳打好香甜，解辣一流!
阿里山高山冷泡茶
用樽裝一大支，入面一大個茶包用冷水浸泡，雖然冷泡茶茶色較淺但原來茶味都好濃，而且一D都唔苦，夏天飲非常健康解渴!
新開張未有全部款式供應，不過咁近屋企下次一定要黎試埋其他~
张贴
