小茶角 (啟豐商場)

海旁商場既一間小店，主打各式各樣既牛角包，仲有多款飲品，一d都唔簡單既輕食。買牛角包及飲品，仲可以免費有炸薯條/炸薯角/沙律。

叫左屯門牛($45)，火腿芝牛($28)，跟餐炸薯條，跟餐炸薯角，珍珠奶茶(中$21)，茉香奶綠(中$17)。

1

屯門牛

$45

食物即叫即整，等大約10mins就有。牛角包拎上手好重好多料，夾有厚蛋、蘑菇片、芝士、煙肉、蕃茄、生菜。炒蛋夠滑，煙肉煎完香口，配埋甜甜既千島醬，一流。

屯門牛，跟餐炸薯條

買包加飲品，可以免費有一款小食。炸薯條熱辣辣，夠脆夠大條，有一包包既蕃茄醬可以醮，份量亦唔少。只係食個包，都好有飽足感。

火腿芝牛

$28

另一款牛角包夾有火腿、芝士、生菜，menu中屬於鹹味款。火腿配芝士永遠係最佳拍擋，芝士微熔。牛角包好香牛油香味，啖啖都食到好濃郁既牛油香味。

火腿芝牛，跟餐炸薯角

套餐既免費小食揀左炸薯角，口感比炸薯條更強烈，因為薯角厚身，所以更有口感。外皮脆脆地，入面軟身。

珍珠奶茶(中)

$21

熱飲珍珠奶茶既奶及茶比例剛剛好，珍珠煙韌，而且份量都幾多，飲到底都仲有好多珍珠。

茉香奶綠(中)

$17

茉香奶綠好值得飲，因為一飲就有超濃既茉莉花茶。揀左微糖好fresh好消暑，就算中杯都夠飲。

整體，誠意製作既牛角包，而且小店一定要大大力支持。侍應服務好，而且唔少人都外賣。正值餐廳限聚令，所以食物要用外賣盒裝。