彩福皇宴 (iSQUARE國際廣場)

营业中

休息中

平時酒樓多數是地下個層或者上一二樓，外面比廣告牌遮蔽陽光，但是這間彩福就位於26樓，景觀開揚光猛，而且還對住個無敵大海景，真係食都食得開心d。原隻鮑魚燒賣皇：得獎點心一定要試啦，雖然鮑魚唔係好大隻，但都幾有咬口，燒賣的豬肉肥瘦均勻。黑松露帶子鳳眼餃：淡淡的黑松露香，有帶子的鮮甜及爽口的蝦仁，鳳眼餃餡料十足。咸菜胡椒豬肚：原煲胡椒豬肚上枱，咸菜又不會太咸，豬肚爽腍，湯底有濃香的胡椒味，味道都幾辣。鹹水角：炸至金黃煙韌，比一般的較細粒，但有四件，餡料有肉碎及菇等。海螺片滑雞扎：雞扎裏面有片爽口的螺片，味道都正常。XO花姿片蝦球炆伊麵：伊麵大碟而且有很多人花姿片及蝦球，海鮮十分新鮮，伊麵亦都不會太腍，還有些金菇芽藥木做配料，不過XO 醬略嫌較少。