濃姐茶餐廳 (裝修中)

一入門口安排咗我坐係收銀隔離，面向住門口。咁落完單之後就同老闆娘講想要杯水啊唔該，佢無回應就走咗去。我坐嗰個位根本睇唔到佢所謂嘅水吧自助區，都唔緊要，其實你只要簡單講一句水係自助嘅就可以。但係老闆娘嘅處理方法係行埋一邊同熟客大聲講嘢:「近排多生客嘛！」「水你唔拎俾佢，佢自己識去拎㗎啦！」「咪由佢等兩日囉，我煲緊啊嘛！」嘢食方面無乜特色，而且都已經食到一肚火，所以就無影相。