雲壽司 (德和大廈)

营业中

休息中

呢間餐廳一入到去嘅時候，大部份都係坐到一至兩個人嘅座位；唔算太大，但我自己一個食飯，就唔太理會呢啲嘢；呢度擺放嘅刺身望落去都幾新鮮，呢一點，其實只係從刺身嘅顏色上望落去，已經可以略知一二；綠茶係自助，一匙綠茶粉配上一杯滾水，可以提神之餘，亦都可以去除魚生潛在唔好嘅味道；午餐我叫左呢到比較出名嘅「北海丼」，二百蚊多少少，呢一個丼飯嘅特色在於除左有大塊魚生外，更有海膽，配上大大粒三文魚籽，每一啖飯都係好豐富嘅味道。每塊刺身都係厚切。午市，餐廳亦都會贈送沙律同埋麵豉湯，胡麻醬溝上新鮮沙律菜，微苦得黎亦都甜。