肉多多火鍋

香港人真係太鍾意打邊爐😂😂lunch time 都同同事孖住去打！我自己好鍾意食台式火鍋，因為湯頭夠養生，好似無咁有罪惡感😂😂⭐️頂級霜降牛一人午市套餐 $168啲牛肉質好靚😍唔會細細塊又碎濕濕咁，係一大塊整片👍🏻👍🏻讚！叫得肉多多，份量真係唔少，有9-10塊霜降牛！😋😋我叫藥膳湯底，好香，食完都唔口渴👍🏻👍🏻無加味精，真材實料！另外有蔬菜籃，有丸、菇同新鮮蔬菜🥬，非常豐富😋😋最後加入個紅薯粉，索晒啲湯嘅精華，好正🤤🤤出面仲有涼菜小食，我個人最鍾意食麻辣魚片，好爽口又惹味！讚！👍🏻食埋個甜品，有台式芋圓，煙煙韌韌。正當以為食完嘅時候，侍應遞上張雪糕紙，話幾多杯都可以😂我哋每個口味叫咗一個😋埋單嘅時候，侍應又俾咗代幣俾我哋去夾餅乾😂😂雖然夾唔到，但真係好好玩，覺得呢間店舖好有心思。服務都好好，好有禮貌，又勤力換碟加茶，環境好有日式風格，值得一來！