影片
更多
2025-06-14
1381 浏览
今次我地一家大細黎左荃灣呢邊玩，主要就行一田同順便食飯，而我地就去左間之前都有食既日式cafe🇯🇵餐廳環境都幾好，以啡色木系為主，而店員都好好人，雖然我地只係2個大人，見我地湊住BB，繁忙時間都比張4人大枱我地，我表示感謝同抵讚👏🏻UFUFU芝士牛肉漢堡（$98）呢個係佢地期間限定先有既餐牌，個漢堡都唔細，塊牛肉好厚同好多肉汁，個芝士佢唔係一塊塊，係好似溶岩咁，正過一塊塊既芝士，另外玩有少量沙律菜做伴碟🍔博多明太子薄餅（$118）呢個pizza係中size，切到6塊出黎，2個人share岩岩好，佢d明太子份量都幾多，味道似明太子意粉咁，而個pizza既芝士都好正，切出黎拉曬絲咁，真係好芝味🍕🧀八女抹茶多士（$138）呢個甜品係我地念念不忘既必點食物，無論賣相定係味道都好好，佢係幾件多士噴上一層cream，另外跟個抹茶雪糕，多士雖然爆cream但唔算太甜，抹茶雪糕就好濃郁既抹茶味🍨牛乳八女抹茶（$48）呢杯牛乳抹茶好香濃既抹茶味，個奶都好滑，甜度適中，個拉花做整得幾靚，係用抹茶粉整UFUFU Cafe字整得濛左少少，不過問題不大🍵呢間餐廳我覺得野食唔算貴，特別甜品好高質，pizza都夠特
餐廳環境都幾好，以啡色木系為主，而店員都好好人，雖然我地只係2個大人，見我地湊住BB，繁忙時間都比張4人大枱我地，我表示感謝同抵讚👏🏻
UFUFU芝士牛肉漢堡（$98）
呢個係佢地期間限定先有既餐牌，個漢堡都唔細，塊牛肉好厚同好多肉汁，個芝士佢唔係一塊塊，係好似溶岩咁，正過一塊塊既芝士，另外玩有少量沙律菜做伴碟🍔
博多明太子薄餅（$118）
呢個pizza係中size，切到6塊出黎，2個人share岩岩好，佢d明太子份量都幾多，味道似明太子意粉咁，而個pizza既芝士都好正，切出黎拉曬絲咁，真係好芝味🍕🧀
八女抹茶多士（$138）
呢個甜品係我地念念不忘既必點食物，無論賣相定係味道都好好，佢係幾件多士噴上一層cream，另外跟個抹茶雪糕，多士雖然爆cream但唔算太甜，抹茶雪糕就好濃郁既抹茶味🍨
牛乳八女抹茶（$48）
呢杯牛乳抹茶好香濃既抹茶味，個奶都好滑，甜度適中，個拉花做整得幾靚，係用抹茶粉整UFUFU Cafe字整得濛左少少，不過問題不大🍵
呢間餐廳我覺得野食唔算貴，特別甜品好高質，pizza都夠特色同好食，burger同飲品亦都唔錯，下次黎荃灣廣場諗唔到食咩，又再黎多次都好😄
张贴
