潮．悅 (始創中心)

去佢哋間酒樓食晚飯，隻燒乳鴿味道不錯，值得推薦。但碟蒜香骨真係差到難以想像，炸粉醬厚厚包著排骨，炸到乾晒兼硬到你唔信，仲係唔平，個胡椒豬肚湯味道不錯，但渣多過湯而且啲芥菜差唔多同豆腐一樣咁林！𧐢餅可以不叫，因為真係差過出面好多！但佢哋係潮州酒家，連最基本都做得唔好！叫人真係有啲失望。
但服務態度不錯，樓面都多後生，肯做！有禮貌！香港啲酒樓好少咁注重服務喇！希望佢哋留意一下啲出品。相信加上好出品佢哋啲生意一定好！佢哋啲食物價錢都需要檢視一下，因為同北上實在太大距離！加上出品質素，酒樓又近旺角火車站，對佢哋一定有威脅。