潮．悅 (始創中心)

話說上星期五訂了潮悅, 想和家人慶祝中秋節團圓再加10月生日宴, 怎知道潮悅給予此菜單!潮悅,已是爸爸媽媽每月都去十數次的酒家, 已經相信他們, 所以一收到他們的信息已馬上轉發給媽咪, 當媽咪看到之後, 真的大吉利是! 馬上勞氣到不斷咳, 致電給我說: 有冇搞!!! 這是什麼意思??? 真的大吉利是!!! 可以錯嗎? 這容許可以錯嗎? 雖然我們只是二 三千左右消費, 不是高, 但服務水平也不止是那麼垃圾級別吧.... 媽媽打電話給此發訊息人, 她說因為有同性太太訂了枱櫈, 將此搞錯了! 電話號碼也不同, 可以搞錯嗎? 絕不能接受.....…查看更多

同屋企人食中秋節飯，食圍餐，上菜勁快，由於屋企人有大有細，相對食得慢小小，但侍應不停地催促我哋食快啲，話枱面冇位擺菜，我覺得講左1-2次係冇問題，但佢地至少催左4-5次，語氣仲要好差，到分羹湯時，由於枱面已經有4-5碟大菜，已經冇位置分羹湯，侍應用語氣差既態度話一早叫你哋食快啲，搞到依家冇位分羹湯啦，然後有另外一個侍應就指住枱面啲汽水同啤酒，呢啲都快啲飲咗佢啦，只可以講嘢食係可以，但係有得選擇就唔會再去。…查看更多

太子始創中心一間潮式酒樓，不過今次係食酒席，睇菜牌就無潮州菜成分，酒樓要行去商場另一邊搭上比較難搵，酒樓環境幾靚嘅。鴻運乳豬全體當然係砌出嚟，每人有兩件，皮係香脆，肉質一般。上湯波士頓龍蝦伊麵龍蝦似乎有啲細隻 ，一人分到粒細細嘅肉，外表就唔錯，伊麵同醬汁都ok,係龍蝦肉太少。脆炸鳳尾蝦多士麵包同蝦膠包住隻蝦炸，炸得酥脆，蝦味清淡啲。姬松茸螺頭燉雞湯用料充足，湯水濃郁。當紅脆皮燒雞皮脆肉嫩，雞味唔重，ok好食。瑤柱蛋白炒飯睇到有少少炸瑤柱絲同蛋白，食落就係有少少味嘅白飯咁，相當清淡。…查看更多

完全真實自費食評！話說前幾個月前發掘太子美食時發現呢間潮悅，試過都幾好。前幾日朋友講起想食龍蝦伊麵，然後我決定帶佢去試試！龍蝦伊麵份量好多，每人都可以食到2-3碗。滿滿都係龍蝦肉，唔係個種龍蝦殼大但肉細嘅。蝦肉肉質好新鮮好彈，上湯冇蓋過佢嘅味道，反而令蝦肉多啲汁水。清蒸東星斑，蒸得剛剛好，肉滑新鮮。東星斑鮮味十足，配上蒸魚豉油同薑蔥，真係絕配，好滿意！豉汁蒸白鱔，肉質鮮嫩肥潤，口感軟糯，而且油脂均勻分佈喺魚肉紋理間，帶嚟豐富嘅風味！鹹菜胡椒豬肚湯，天寒地凍一定要飲碗湯暖暖胃，豬肚乾淨無異味，胡椒味香濃，餐廳更細心地用蠟燭保溫盤保溫住，每一口都熱辣辣。評分：（5顆星滿分）味道：5環境：4服務：5衛生：5抵食：4整體評分：4.5👍…查看更多

去佢哋間酒樓食晚飯，隻燒乳鴿味道不錯，值得推薦。但碟蒜香骨真係差到難以想像，炸粉醬厚厚包著排骨，炸到乾晒兼硬到你唔信，仲係唔平，個胡椒豬肚湯味道不錯，但渣多過湯而且啲芥菜差唔多同豆腐一樣咁林！𧐢餅可以不叫，因為真係差過出面好多！但佢哋係潮州酒家，連最基本都做得唔好！叫人真係有啲失望。但服務態度不錯，樓面都多後生，肯做！有禮貌！香港啲酒樓好少咁注重服務喇！希望佢哋留意一下啲出品。相信加上好出品佢哋啲生意一定好！佢哋啲食物價錢都需要檢視一下，因為同北上實在太大距離！加上出品質素，酒樓又近旺角火車站，對佢哋一定有威脅。…查看更多

本人和朋友在25/7(星期五)，到始創中心潮悦食飯，我們第一次去入坐時沒有任何餐前小食在檯上，到結賬時見單上印有15元餐前小食，我即時同收銀講冇給我们請扣回15元，收銀唔肯只叫可包走给我們，又叫留意同侍應講，我講是第一次來唔知有冇餐前小食，這是酒樓侍應問題冇理由唔退款只叫人帶走，本人認為極合理，侍應冇放餐前小食，作為客人只會當冇，因有些酒樓會冇，但最後打在單上，我們沒有食但要俾錢是否合理，酒樓有收加一服務費，希望各光顧食客留意。…查看更多

慶祝父親節同爸爸生日飯😍一家四口決定試下食中菜，上網發現推薦潮悅就訂位試下方魚肉碎蠔仔粥嘅粥品確實好味又足料，蠔仔好多，湯好多，飯好多，樣樣嘢都好多，味道亦都剛剛好，好清甜第一次食到呢種做法，長腳蟹爆膏，蟹腳蟹身啖啖肉。腸粉用煎而唔係用炒，居然做到每條腸粉外面都有一層幾毫米嘅脆殼，裏面嘅腸粉依然軟糯又唔失嚼勁，一條接一條根本停唔低來。五星推薦荔茸酥炸帶子好大，外皮裹咗一層芋泥同脆殼，口感好豐富。本身味道比較剛好，唔需要配醬汁食，而且帶子夠新鮮彈牙，好鍾意呢一道沙茶牛肉炒芥蘭，牛肉好新鮮，爽口彈牙，芥蘭亦脆爽，配上沙茶醬，鍋氣十足，一點都唔會膩…查看更多

呢間餐廳算係將中菜做到極致裡去，唔止好多創意菜，味道又做得好精緻。唔使乜鮑參翅肚，就係炒腸粉都會讓你感動到流淚。點評一下幾道菜啦😋招牌叉燒皇厚切叉燒烤得好靚仔，色水潤澤又有濃邊，肥瘦適中，脂肪入口即溶，肉質鬆軟中亦不失口感，蜜味濃郁亦帶點焦香🤩😋椒鹽魷魚鬚食落夠晒香口，咬落亦夠爽口，唔會有糊口嘅情況出現。😋竹笙扒上素 蔬菜類可以清一清味蕾，竹笙上素軟腍入味，底下仲有好多菇類同蔬菜。😋長腳蟹炒腸粉，肉質鮮美嫩滑，蟹嘅鮮美，香氣四溢，腸粉外皮經過煎炸表現香脆，而內裡依舊係滑口又香軟配上醬油嘅濃香，口感豐富唔少，精緻又好味。…查看更多

趁屋企人生日，終於有機會食呢間Bookmark左好耐嘅潮州菜。整體嘅水準非常高，份量十足！避風塘肉蟹必食！肉蟹幾大隻，肉厚又鮮甜，食落啖啖肉好爽。加埋啲炸香蒜粒一齊食夠晒惹味欖菜肉鬆炒飯炒飯好有鑊氣，粒粒分明，每啖都食到肉鬆同欖菜粒香煎蠔仔烙平時食蠔仔餅都係炸，而呢到用煎嘅方式可以Keep到蠔仔水分，食落Juicy而不膩。竹笙鼎湖上素呢道懷舊粵菜原來喺製作上極為繁複，用料超豐富👀，有我最愛嘅竹笙，爽脆而且吸收晒上湯嘅精華，好入味炸蝦多士酥脆可口，內有大大隻蝦，好食…查看更多

上次同朋友嚟過，今次就帶埋鍾意食中菜嘅屋企人過嚟食晚餐😋上湯焗龍蝦伊麵底🦞好大碟、足料，龍蝦啖啖肉，入口彈牙有鮮味，伊麵仲掛滿上湯湯汁，煮得岩岩好，上湯濃郁得嚟唔油膩，同龍蝦嘅鮮味好夾，好快就被我哋清咗碟😆燒鵝🦢皮脆脆, 鵝肉厚厚, 少脂肪,  滲出陣陣炭燒香, 入口肉質稔香, 沒有半點膻味, 點d醬汁仲正長腳蟹炒腸粉🦀我勁鍾意黎一道！長腳蟹好新鮮，一d腥味都無，又夠肥，好多肉～腸粉非常入味 ，又爽口彈牙，正 👍🏻👍🏻滷水掌翼🪽
滷水醬料慢煮，味道鮮美，肉質嫩滑，熟嫩的肉質拿捏得剛剛好，配著甜甜地既滷水汁好吸引…查看更多

好耐冇食中菜喇，想起之前嚟呢間食過都唔錯嘅，今晚同父母再嚟試下佢地海鮮🐟🐟餐廳環境符合一般中菜廳格局，整體感覺乾淨衛生❤️店員哋有禮貌，老闆娘親切友善👍🏻呢間次次落手好重本！長腳蟹炒腸粉嘅每條腸粉都掛滿醬汁，仲要超大隻嘅長腳蟹，賣相好唔錯，蟹肉啖啖鮮味仲帶微微甜，食到最後超滿足，真心推介！一碗方魚肉碎蠔仔粥嘅份量大約分到4個細碗，雖然睇落清清地，但係睇味道好清甜，入面有細細燈嘅方魚碎同埋蠔仔，增加口感，唔想又食飯，發現食都夠晒飽又好味！芥蘭炒牛肉 非常推薦！牛肉嫩而不爛 恰到好處嘅香氣同嚼勁，溼炒嘅沙茶醬好鮮甜✅每次嚟呢度一定食上炸乳鴿，仲要原隻上😍，記憶總係細細個時爸爸媽媽帶我去食呢味菜。 乳鴿上檯，好大隻呀～😋😋熱辣辣嘅，帶上手套用手撕開嘅感覺真痛快🤣🤣薄薄嘅皮燒得好脆，肉質嫩滑，醃肉後帶出鴿嘅鮮味。👍煎焗大海蝦整得好香，食落惹味，有好香既豉油味，亦唔會太咸，蝦肉新鮮👍🏻👍🏻廚師將蝦切開一半，令蝦肉好入味👍🏻👍🏻…查看更多

行開太子始創中心，呢度附近真係有好多好野食，今晚想食酒樓中菜，就決定呢間潮悅。📌避風塘肉蟹香噴噴，夠晒野味，避風塘炒蟹，蟹肉肥美，配合高技術嘅避風塘炒法，炒出香口，食過返唔到轉頭📌上湯焗龍蝦更好食，原隻斬件落啖啖龍蝦肉，肉質非常鮮味，肉身食落口感更彈牙，食完咀郁郁，超滿足。而伊麵底我認為更值一讚，麵身超彈牙，加上索哂上湯龍蝦味而不杰身，食落冇太黏感覺，味道、口感都好滿足。📌粥嘅份量幾大嘅，而且用料好足，碗底盡是肉碎。由於用料新鮮同充足，整碗粥都好甜，好香濃方魚同肉碎嘅味道。📌津白色澤亮麗又甜又冧，配合濃郁金腿二者夾食，一濃一淡味道天衣無縫，確實有一手！✌🏼✌🏼📌長腳蟹好鮮美，肉質亦非常嫩🦀️📌炒豬腸粉真係好食，口感糯糯嘅仲好Q彈，鍾意食腸粉嘅朋友一定要試試…查看更多

幾個月前發掘太子美食時發現呢間，試過都幾好。前幾日朋友講起想食龍蝦伊麵，然後決定帶佢去試試。龍蝦伊麵份量好多，每人都可以食到2-3碗。滿滿都係龍蝦肉，唔係個種龍蝦殼大但肉細嘅。蝦肉肉質好新鮮好彈，上湯冇蓋過佢嘅味道，反而令蝦肉多啲汁水。清蒸東星斑，蒸得剛剛好，肉滑新鮮。東星斑鮮味十足，配上蒸魚豉油同薑蔥，真係絕配，好滿意！豉汁蒸白鱔，肉質鮮嫩肥潤，口感軟糯，而且油脂均勻分佈喺魚肉紋理間，帶嚟豐富嘅風味！鹹菜胡椒豬肚湯，天寒地凍一定要飲碗湯暖暖胃，豬肚乾淨無異味，胡椒味香濃，餐廳更細心地用蠟燭保溫盤保溫住，每一口都熱辣辣。…查看更多

今日同朋友嚟潮悅開餐，呢度嘅餸真係冇令我失望，每一樣都有驚喜！首先必須大讚呢個荔芋酥炸帶子，一上枱就聞到陣陣酥香，足足有6件，分量好夠晒。外層裹住嘅荔芋蓉炸得金黃酥脆，咬落卜卜聲，入面嘅帶子又大又彈牙，鮮甜juicy，芋香同海鮮味夾得剛剛好，一人食幾件都唔夠！然後係醬油長腳蟹炒腸粉，點咗兩份都被秒殺！長腳蟹肉多到爆，拆得好乾淨，啖啖都是蟹嘅鮮甜，醬油汁炒得好惹味，勁夠鑊氣，腸粉吸晒啲蟹汁同醬香，滑溜溜又入味，根本停唔到口。咁潮汕小炒皇都好出色，配料好豐富，蝦米、魷魚、菜脯、青椒等炒得香氣四溢，鹹香夠味，口感多層次，用嚟送酒或者送飯都一流，超開胃。鍾意食蟹嘅千祈唔好錯過港式避風塘肉蟹，隻蟹新鮮到冇得彈，殼脆肉嫩，避風塘醬料炒得好香，蒜粒炸得金黃，帶少少辣，惹味到舔手指，蟹肉飽滿，每一啖都係幸福感。椒鹽鮮魷都好有水準，魷魚夠大隻，新鮮爽脆，椒鹽味均勻裹住魷魚，鹹香適中，外層微微焦香，內裡保持魷魚嘅彈性，越嚼越香。最驚喜係上湯焗花龍蝦伊麵，隻龍蝦超級大隻，肉質緊實彈牙，上湯濃郁鮮甜，伊麵吸晒啲龍蝦湯，每條麵都掛住汁，鮮到掉眉毛，龍蝦肉蘸少少湯，鮮味直接衝上腦，食完真係返尋味！最後飲返支蜜桃好卡頓啤酒收尾，細支裝啱晒女士，蜜桃味好清新，帶少少甜味，酒精度唔高，清爽解膩，同呢啲海鮮小炒簡直係絕配！總體嚟講，潮悅呢幾道菜都好有水準，食材新鮮，味道正宗，無論係朋友聚餐定係家庭飯局都好適合，下次一定會再嚟試其他餸！…查看更多

🍴潮悅，今天再來幫襯 😍😍😍每次必嗌招牌菜包括- 懷舊蝦多士：蝦味香濃，嫩滑又鮮香，每食一啖都有美顏感覺。- 沙茶牛肉芥蘭：爽甜的芥蘭淋上惹味濃郁的沙茶醬，濃稠程度控制得恰到好處，牛肉片份量唔少，也很美味，大家都搶住黎食。- 長腳蟹腸粉：長腳蟹唔止夠大隻肉都好多，仲有金黃蟹膏！炒完之後膏香滲入腸粉，每一啖都係濃郁海洋味，邪惡但心甘情願卡路里超標！-鹵水掌翼：食潮州菜必食鹵水，這次點的是掌翼。鹵水滲入掌翼，香濃入味，咸香惹味！- 腿茸扒津白：好creamy嘅口感包住尚有脆度嘅津白，質感順滑軟腍。…查看更多