第三站

呢間cafe好就腳，就係金雞廣場，所以約朋友位置非常方便。上到去見到張張枱都好大張，又有boardgame玩，如果一大班人黎真係可以坐好耐。食物方面，碟碟都大大份，真心覺得兩個set三個人食都夠。同埋飲品種類好多，又有小食又有甜品，坐幾耐慢慢食都可以。而我哋今次就叫咗兩個set，兩個都加配沙律同甜品。煙三文魚野菌忌廉配闊條麵，煙三文魚有幾塊好大塊，闊條麵嘅cream好重，全部材料都好足料。黑松露帶子鮮菌燴意大利飯，帶子可以一粒粒見到，都幾夾個飯。法國朱古力芝士蛋糕同藍莓芝士蛋糕嘅擺盤都好靚，睇得出係有心機整靚啲食物。而我哋最欣賞嘅係水果茶，款式好多仲要可以refill，茶包真係有嗰種水果嘅味道，都濃烈。