老荔冰室

营业中

休息中

最近去咗荔枝角嘅「老荔冰室✨」，裝修好有懷舊feel，牆上仲貼滿咗好多經典嘅港式海報同霓虹燈，打卡一流📸滑蛋叉燒飯炒滑蛋超級嫩滑，叉燒又香又多汁，啖啖肉，蛋香同叉燒嘅甜味完美結合，絕對係必食之選沙爹牛肉煎蛋公仔麵沙爹牛肉嘅味道好濃郁，沙爹醬內仲有花生醬，又香又好味，牛肉又夠嫩滑，加埋兩隻煎到金黃色嘅太陽蛋🍳，撈埋公仔麵一齊食，真係好滿足。金沙朱古力流心西多士甜品控一定要試呢個金沙朱古力流心西多士🍫！西多士炸到香脆，一切開，入面嘅充滿朱古力流心，熱辣辣又香濃，食落去真係好幸福！記得趁熱食，先至有流心效果沙嗲牛肉芝士熱香餅漢堡呢個漢堡真係好有創意，熱香餅代替咗普通嘅漢堡包，口感鬆軟，夾住沙爹牛肉同芝士🧀，鹹鹹甜甜嘅味道好特別，食落去好有層次感，驚喜之作巨型火腿粟米奄列巨型奄列🍞份量好大，火腿同粟米嘅配搭好夾，加上煎到熟度剛好嘅奄列，食落去好有口感。「老荔冰室✨」真係一間有heart嘅冰室，無論係環境定食物，都充滿住港式情懷，而且每樣嘢食都好有質素，絕對值得一試！