橘子咖啡

营业中

休息中

一間好有 heart 既快餐小店，雖則唔係啲咩高級食材或特別菜式，出品都中規中句，但感受到廚師佢係有團火、係對食物質數有要求既。但奈何生活迫人，食材成本急升，又可能本身又無幾多張板斧，無奈只能提供現時既菜式。一間要花約 40-60 分鐘食 lunch 既快餐店，所以大家要預備充足既時間。舖面非常之細、極之細、水吧跟廚房一樣好細，都明白生意難做同經費問題。如果坐室內真係好迫夾，肥啲都坐唔落，其實行都有困難，但佢地會係後巷擺放枱櫈。以前成日話去坑渠邊食飯，就係依度喇 ~ 有趣地依度係食西餐，但只供應中湯架喎 ~清補涼，是日例湯，menu 稱每日只提供一款老火靚湯，但 feel 唔到有幾老火，可能有點怒火既，因為真係麻麻，清湯水一碗。黑椒雞扒天使麵，偏甜既黑椒汁，香味不足。雞扒肉質嫰滑，屬慢煎方法，保持肉汁，口感濕潤，好味道。天使麵九到十成熟，即煮形，時間剛好無過腍或過濕，處理得宜，嚥嚥靭靭，唔錯。燒汁牛扒天使麵，好甜既燒汁，有點濁。天使麵烚得剛好，滿意地不會過腍同發賬。牛扒只屬一般香港快餐貨式，醃味濃且腍劈劈，有點失望。