大叔拉麵

营业中

休息中

去D2 Place睇蝙蝠俠，睇之前路經一間食店，門口排哂隊，d人逐個逐個入去，好奇心驅使之下走去八卦下，發現原來係一間拉麵店，叫阿叔拉麵！店內裝修充滿日本風情，播放著日本卡通歌曲，無論燈光、座位和擺設都令人有種身處日本拉麵店的感覺。廣島蠔赤地獄湯拉麵 - 果然係赤地獄，好食，但都真係幾辣，頭個幾啖都未黎料，然後d辣就慢慢湧出黎。拉麵煮到爽口彈牙，唔會太淋，而d廣島蠔都充滿鮮味，當中仲有一片慢煮雞胸肉，雞胸肉完全唔嚡口，好好食。特盛和牛骨湯拉麵 - 湯頭都幾濃郁，除了豚肉和雞胸肉，仲有大量配料，當中有溏心蛋、筍、木耳絲同紫菜，十分豐富。但最值得稱讚和欣賞，一定係個拉麵，軟硬度適中，係我喜歡的口感。仲有好幾款拉麵有興趣，還有小食，所以絕對會有下一次再來幫襯。