龍點心 (Eastcore)

营业中

休息中

門面望落很有特式，一直好想試，今日見唔駛排好耐，於是入去試下。可能坐左近出菜位，感覺唔夠冷氣，有點熱。食物款式不像一般茶樓咁多選擇，但望落款款都好精緻。點了兩個蒸飯，臘腸蒸雞飯和章魚肉餅飯，臘腸蒸雞飯尤其出色，可能有臘腸關係，入口每啖充滿油脂香，雞肉好滑夠味，小朋友食不停口；肉鬆馬拉糕香甜鬆軟，配以肉鬆咸香，兩者味道配搭有新意得來好夾；咸水角做成混色的小丸子，未入口已悅人眼目，食落外層香脆內層軟糯，而且饀料豐富，有驚喜! 炸豆腐香口唔油，底層有類似食四川酸辣粉常見的炸黃豆，整體味道不錯；口水腸粉有口水雞的辣勁，腸粉本身同內饀味道偏淡；至於蝦餃、燒賣、叉燒包水準ok，但以這個價格來說有點貴。