施心畢老撾餐廳

营业中

休息中

今日下晝，我都係決定叫外賣。附近有一間食老撾嘅餐廳，我未食過老撾菜，唔知係咩味，所以就好奇叫咗呢一間。咁我就叫咗一個椰子湯雞件米線，佢啲湯同米線係分開上嘅，呢一點好貼心。個椰子湯非常之香濃，好重椰子味，超好飲呀，同埋一啲都唔味精。另外兜米粉上面有好多餸，有生菜有雞，有蝦米，仲有一啲類似蝦膏嘅物體，我唔太清楚。我倒啲椰子雞湯落去，仲係好熱辣辣，一啲都唔凍。啲蝦膏溝埋椰子雞湯，即時令到個湯好有鹹香，好正啊。我會建議外賣嘅朋友，留返少少椰子雞湯係個碗度，咁就可以食到兩種風味啦。至於啲雞件，咁當然唔會係新鮮嘅雞件啦，但雞件嘅質素都唔錯，冇咩雪藏味，啲雞件都好林，有少少肥油咁，都幾滑㗎。上面有啲油炸鬼，都幾有趣，第一次食米線上面有油炸鬼。