怡紅院火鍋料理

营业中

休息中

之前已聽過這間餐廳，朋友約食慶生飯，就算小暑都照打邊爐。訂左枱6:30，限時8:30交枱。但因為早到，所以可以周圍影下相，裝修特別，入到去不斷影相，玩味十足。這裏沒有免費茶水供應，我地叫左1壺茶一齊飲。有些飲品happy hour, 買1送1，另外還有些特式雞尾酒。這裏是一個餐廳酒吧。有2層樓，樓下有Bar枱，可以打邊爐又飲酒，好特別。2位女士已叫左好多食物，湯底有些可以揀鴛鴦鍋，我地配左沙嗲和茶樹菇什菌濃湯鍋。店員話什菌湯底就咁飲都得，我地試飲，菇味濃郁。呢度食物有得叫半份，可以試多少少款我地叫左牛頸脊，黑毛豬肉片，黑松露蟹肉餃，墨魚滑，芝士牛丸，響鈴，炸魚皮，蔬菜….牛頸脊雖然半份，不過份量十足，黑毛豬肉片都幾厚肥美，最推介黑松露蟹肉餃，黑松露味濃。枱要放左一包0.01 紅色方型的物品，嚇左一跳，原來是濕紙巾不過因為當晚都好多人，而且啲位比較貼啲，所以就有啲嘈，傾偈就難啲而且時間比較趕，店員都好似怕我哋交唔切枱，問我哋使唔使幫我地煮食物。其實離交枱時間仲有45分鐘以上。