龍泉冰廳

营业中

休息中

龍泉冰廳銅鑼灣呢個矜貴地段，食飯好鬼貴，作為一個師奶，茶記係我嘅當然選擇！今時今日嘅港式茶餐廳一啲都唔失禮，有質又有量。午市時段，食小菜套餐最經濟實惠。老公揀煎土魷肉餅($78)，我就要金菇肉碎扒豆腐($68)。一肉一菜，配埋例湯餐飲，啱啱好！煎肉餅有四至五件，煎得香口，有肉味有咬口，配白飯食一流。當日所見，好多穿著斯文嘅寫字樓男仔都有叫呢個餸。除咗豆腐火腩，佢直頭係男人嘅另一種浪漫！！ 金菇扒肉碎個芡汁唔糊，入口濕濕地，撈飯食都唔錯！食得興起，追加咗個芝士鹹牛肉奄列($38)。溶芝士落得幾多，加埋鹹牛肉，更加鹹香好食！地址：銅鑼灣蘭芳道5號地下