大壹燒鵝 (啟田大廈)

街坊生意，價錢合理，份量亦大份。呢到已經成為飯堂之一，家人好鍾意係到食或外賣，其中福建炒飯係絕對同出面有名嘅酒樓有得比。

唯一感到失望係收銀帶眼鏡姐姐手腳唔乾淨，一年同家人總有幫襯一百幾十次我冇誇張，呢位姐姐有一兩成時間收錢會找少錢畀你，之前家人有講過，但我冇特別為意，以為純粹擺烏龍；直至今晚我100%肯定佢係故意，左手先找少錢畀你，當我發現少咗20蚊，佢隨即半秒內右手比返出嚟，手勢好純熟，冇可能係誤會，我覺得咁樣做好唔老實，亦會影響整間餐廳嘅信譽。