老川皇

营业中

休息中

油尖旺嘅川菜館唔少，今日和家人係旺角購物，行到砵蘭街，有間老川皇，大家想食吓川菜，就在此吃個午餐，顧客甚多，等咗一陣才有位。午市嘅套餐甚多，有辣有唔辣。鹽水鴨售罄，選擇了樟茶鴨，皮脆肉嫩真好味。笋絲炒臘肉好惹味，臘肉係煙燻味，煙韌甘香。蔥爆牛肉很香口，牛肉好嫩滑，葱段吸晒肉香醬汁，好好味。食川菜口水雞係必叫嘅，麻辣啱啱好，雞肉嫩滑，非常美味。酸菜魚又係唔少得，揀左一斤桂花魚，魚肉非常鮮甜，有少少魚骨，酸菜夠晒醒胃，好食到唔停得口，最啱送飯，真係一頓美味豐富既川菜午餐。