麵屋一平安

营业中

休息中

呢間老店已經開業好多年，裝修好似一間小居酒屋咁🏮，好溫馨。入到去，見到好多顧客都係老顧客，好有人情味☺️我試咗幾款野食，包括芥辣八爪魚、雞白湯拉麵、特製豉油拉麵、明太子魚餅同燒油甘魚腩。首先，講返芥辣八爪魚，啲八爪魚粒粒配芥辣醬係微辣帶點攻鼻。做前菜啱哂。然後，我試咗雞白湯拉麵同特製豉油拉麵。雞白湯拉麵個湯底好鮮甜，湯底入面有淡淡嘅雞肉味，真心好正好驚喜😋我不自覺地飲咗好多湯。麵條煮得恰到好處。特製豉油拉麵個湯底有濃郁嘅豉油味道，配料有紫菜、叉燒等。叉燒煮得好軟淋，好好味👍🏻另外，試咗明太子魚餅同燒油甘魚腩。明太子魚餅，明太子味道好濃郁，魚餅彈牙，好好食🤤燒油甘魚腩係好滑嫩，燒味好香，令人回味無窮。