大時大節除咗去party room之外有咩地方有得玩又有得食？就係元朗Dabinlo啦
呢度嘅經營模式好嶄新，簡單嚟講就係將唔同打邊爐又或者係燒烤嘅食物分做細細Pack俾你買完之後，去佢隔離個場度煮嚟食
今次我就試咗打邊爐，我覺得最好食嘅食材就係佢哋自製嘅餃子同埋蕃茄湯底，餃子同出面超市買嘅非常唔同，充滿豬肉香味之餘韭菜仲好新鮮，而且皮薄餡靚，煮完之後仲有啲湯汁爆出嚟，我哋一連食咗好幾盒
而蕃茄湯底食得出唔係齋靠味精調出嚟，而係加入咗新鮮嘅蕃茄蓉，甜甜酸酸非常之惹味
其他食材細細盒，好處就係即使唔係咁多人一齊食，亦都可以試到唔同款式嘅食物，啱晒小型聚會
當日現場所見，除咗打邊爐之外，亦都有唔少人選擇咗燒烤，我喺出面個雪櫃見到好多唔同款式嘅串燒，有機會一定要再嚟試吓
呢度另一樣特別嘅嘢就係提倡環保，所以客人食完之後，職員都會鼓勵佢哋執拾返自己嘅垃圾，丟棄去隔離嘅垃圾收集箱
Dabinlo啱晒鍾意食又鍾意玩嘅朋友，適合朋友或者家庭聚會，創新又好玩，推薦啊
#dabinlo #dabinlo火鍋串燒食材專門店
1
1
