尖沙咀D出口過黎都幾近，唔洗行到N出口咁遠🤣
今日食嘅係$1680 set，由前菜到壽司、魚湯都好好食😋
第一碟：無花果好清甜開胃、湯葉口感好得意爽脆、瀨尿蝦味道濃郁、豆腐豆味超濃😍
右口魚刺身：好鮮好有魚味、唔洗點豉油都好好食，雖然佢比左柚子汁你😋
象拔蚌：一樣好有鮮味👍🏻 唔係咁多Omakase有得食✨
螢光魷魚：魷魚好柔嫰，仲加左蘭王蛋黃醋，好濃郁🐥
北海道鹽水海膽：師傅話琴日海膽先落機😍，口感綿密、鮮甜
超級珍寶帶子：好大粒，我要分兩啖🤣 燒得好好食！！🫨🤩
毛蟹燒賣：有毛蟹蟹肉、魚子醬，真係好新奇😎 打卡able又好味😋
春魚：呢款魚好好食，入口即溶，完全唔鞋，配埋茄子秋葵好爽😝
七款壽司都好好食，其中一款你會有得揀中拖/大拖/赤身🤤 比埋蘿蔔、山葵漬你清吓個口👍🏻
地金目鯛肥美感十足，一食油脂魚肉好好味～
梳子魚爽口彈牙；赤身只係熟成左4日，好新鮮；黑鯥一樣肥美入口即溶🥰🤤；其他魚一樣油脂魚味重好正👍🏻
另一款海膽，師傅話100%日本產，冇溝到俄羅斯😛 好好食，個人覺得好味過鹽水💫
魚湯奶白色，好飲！🤤
甜品：白士多啤梨好甜，哈密瓜都好清爽～
今次呢餐Omakase都好正，大滿足😍😚
1
