QUE (新都會廣場)

营业中

休息中

餐廳有一個$108嘅吐司繪畫下午茶套餐工作坊，有得玩、有得食、有野飲，望落幾吸引，於是選擇咗呢個套餐。我揀咗裡面嘅套餐B：京都宇治抹茶甜筒。送餐時店員教我哋要先敲碎個cone，然後再淋上宇治抹茶醬汁嚟食。雪糕嘅抹茶味道濃郁，裡面仲有抹茶脆片、抹茶朱古力粉等配料，配合雪糕一齊食口感層次豐富！套餐仲包括餐飲，我揀咗一杯熱檸茶。接著就到吐司繪畫環節，我哋可以用唔同嘅食用色料，參考板上面嘅可愛貓咪圖畫，畫喺吐司上。過程都幾考功夫，同時都好好玩。畫完後影咗好多相後，就可以食埋塊多士😂。呢個套餐有得玩又有得食，放暑假作為親子活動係唔錯嘅選擇~