下午茶時間有茶餐，3x蚊可以有一杯飲品同一件糕餅都算抵。以前試過玫瑰花系列覺得性價比好高，今次係充滿期待。即刻買左一份芝士奶蓋四季春+煙肉芝士牛角包。
因為遲左起身所以有D餓，先食牛角包，包身香脆，雖然賣相一般但真係幾好食，咬到煙肉同芝士會有唔同層次嘅口感。份量雖然少左D，但作為下午茶黎講都算剛好。
然後輪到今次幫襯的主要對象，芝士奶蓋四季春。呷下去之前，腦海不停回憶每次飲喜茶嘅芝士奶蓋果份濃厚香醇嘅口感，芝士同茶/果汁完美混合互相襯托嘅絕妙配搭，可惜McCafe呢杯飲落去將我從回味中帶返一個殘酷嘅現實……問題出喺邊呢？我總結左以下幾個改善嘅空間。
1. 杯嘅設計不夠好，芝士會沾了在杯蓋上而不是盡量從吸吮口被吸出。導致芝士同茶唔能夠用理想比例同時被飲入口中。
2. 芝士沒有喜茶那個咁香醇，但平心而論如果沒飲過喜茶、珠玉在前的話，也是不錯的。
3. 這是最重要的問題，打工的姐姐仔/妹妹仔/哥哥仔并沒有像專門的奶茶店一樣把飲品和糖充分地搖勻，以致我前面喝的茶不甜，底部的卻甜得好像糖漿。
講真由於之前的某幾個主題，對McCafe印象很好，希望能改善以上問題，以後可以嘆多D。
