東京街日本料理 (西洋菜南街)

营业中

休息中

行過太子想食日本嘢，經過見到呢間。就諗住入去試吓，個環境都幾舒服都似日本嘅居酒屋，音樂唔算好大聲會幫住日本嘅音樂。前菜叫左個牛油果沙律，個沙律充滿蛋黃醬又幾開胃。今日特別想食生蠔，就叫咗兩隻試吓先。師傅處理得都幾好，蠔身好飽滿，食落口好creamy 充滿海水味。當然要食壽司啦，叫左櫻一人．極向壽司定食。怪獸三文魚腩都幾肥美，金目鯛就好彈牙，佢啲魚生做得幾好，全部食物都好新鮮。池魚好鮮甜，鮮藍鰭赤身食落去有啲似大拖拿，活赤貝超級爽口。珍寶帶子好震撼好鬼死大隻，入口鮮甜。海膽幾新鮮，唔係嗰啲食落口好重明礬味既海膽。食完海膽之後再食牡丹蝦已經冇咩味。最後叫咗個北海道雪花牛肉鍋，個鍋好多牛肉，過一過壽司嘅凍氣，加埋白飯食真係一流。