倆仨杯

营业中

休息中

之前路經合和新商場時，lunch hour經過見到呢間野都坐好多人，今日就同同事黎試下。黎到時已經過咗一點半，所以都有幾多位，而且冇時間限制。呢度係用QR code自助落點嘅。第一次食，我地都係叫啲招牌野食。$88一個lunch set，堂食另外加一，可以選兩個餸同一個小食，個餐黎到先知係放埋一齊。醉湯烏冬+醉雞捲+滷牛肋肉+醉鴨舌由於放埋晒一齊，所以醉湯味就食唔到，變左做滷水味。每個餸大約有兩件，鴨舌有幾條。我就覺得冇話特別好味唔好味。滷肉拌烏冬+醉雞捲+滷牛腱+醉鴨舌同事話反而呢個好有驚喜，佢要左BB辣，個烏冬好多料又唔乾，話下次可以encore。跟餐會有甜品，就係兩細舊黑糖麻糬之類的東西。跟餐可以選手搖飲品，有啲要加錢。我要左個熱鐵觀音走甜，係幾好味，夠熱，不過可以選擇少奶就好喇。整體黎講算OK，但可以再提供下折扣就好喇。