影片
更多
2023-11-13
49 浏览
💡有名氣既台式火鍋牛大人係台式火鍋當中相當有名氣，食材一直以黎都保持新鮮，食材選擇多元化，仲有自家製冷泡茶，所以都一嚟再嚟。🍽️多款台式藥膳火鍋湯底每款湯底都用咗好多健康嘅食材，今次揀咗剝皮辣椒雞鍋，因為比較少見，所以特別試吓。湯底用咗台東出產嘅剝皮辣椒，令到成個湯底甘甜得來有啲微辣，而且雞肉都相當嫩滑。🍽️高質既牛肉今晚叫咗「極上和牛吃到飽」套餐，一嚟就送上4粒澳洲M9和牛牛丸，真係食得出係用牛肉去製成，食落去好彈牙，而且肉汁香濃，想再嗌就要加錢。其他牛肉一樣相當出色，比較鍾意食澳洲和牛牛肩卷同埋手切封門柳，肉味最香濃。另外呢度竟然有比較少見到嘅牛胸爽，脆而爽口。🍽️出色嘅鮮魚漿墨魚漿同海鮮呢度有好多來自台灣直送嘅手打鮮魚漿墨魚漿等等，每一款都真材實料，食得出佢係用新鮮嘅食材製作而成，尤其墨魚漿可以食到啲墨魚粒。當然唔少得海鮮，海蝦、沙白、鱸魚片，食材都好鮮甜新鮮。🍽️多款台灣直送嘅食材黎到台式火鍋店，當然唔少得佢嘅台式食品啦，例如台灣腸、鴨血、豬血糕等等，每一樣都相當唔錯，份量又唔會好多可以試到好多唔同嘅台式小食。🍽️豐富嘅自助區喺自助區有各式各樣既多丸類，蔬菜等，都一樣好新鮮。當然唔少得汽
牛大人係台式火鍋當中相當有名氣，食材一直以黎都保持新鮮，食材選擇多元化，仲有自家製冷泡茶，所以都一嚟再嚟。
🍽️多款台式藥膳火鍋湯底
每款湯底都用咗好多健康嘅食材，今次揀咗剝皮辣椒雞鍋，因為比較少見，所以特別試吓。湯底用咗台東出產嘅剝皮辣椒，令到成個湯底甘甜得來有啲微辣，而且雞肉都相當嫩滑。
🍽️高質既牛肉
今晚叫咗「極上和牛吃到飽」套餐，一嚟就送上4粒澳洲M9和牛牛丸，真係食得出係用牛肉去製成，食落去好彈牙，而且肉汁香濃，想再嗌就要加錢。其他牛肉一樣相當出色，比較鍾意食澳洲和牛牛肩卷同埋手切封門柳，肉味最香濃。另外呢度竟然有比較少見到嘅牛胸爽，脆而爽口。
🍽️出色嘅鮮魚漿墨魚漿同海鮮
呢度有好多來自台灣直送嘅手打鮮魚漿墨魚漿等等，每一款都真材實料，食得出佢係用新鮮嘅食材製作而成，尤其墨魚漿可以食到啲墨魚粒。當然唔少得海鮮，海蝦、沙白、鱸魚片，食材都好鮮甜新鮮。
🍽️多款台灣直送嘅食材
黎到台式火鍋店，當然唔少得佢嘅台式食品啦，例如台灣腸、鴨血、豬血糕等等，每一樣都相當唔錯，份量又唔會好多可以試到好多唔同嘅台式小食。
🍽️豐富嘅自助區
喺自助區有各式各樣既多丸類，蔬菜等，都一樣好新鮮。當然唔少得汽水同飲品啦，多款特色既冷泡茶，最岩打邊爐時用黎消滯。
张贴
