古今二 (觀塘工業中心)

营业中

休息中

今次去了觀塘工業中心四期一樓B室嘅古今二食午餐。這是一間非常特別嘅餐廳，佢嘅菜式真係獨特又美味！去嗰度食飯，可以品嚐到創意又豐富嘅料理。龍捲風沙律$78呢個沙律真係色彩繽紛，令人目不暇接！沙律內有柚子、蟹籽、車厘茄、蘋果、海藻、牛油果同生菜，味道酸酸甜甜又清爽。每一口都能夠感受到不同食材嘅結合，有驚喜。綠野仙蹤$98卷物上面鋪滿金黃色的桃，壽司飯包住有八爪魚、蟹柳、蘋果、牛油果同飛魚子，味道豐富又多層次。雜錦天婦羅$88分別有蝦天婦羅、茄子天婦羅、一口薯天婦羅，天婦羅外層炸得很鬆脆，蝦肉爽口彈牙，鮮味十足，茄子又嫩又Juicy，一口薯粉糯又香甜。黑豚豬頸肉串燒（1串）$28黑豚豬頸肉燒得香噴噴，食落爽口，不肥不膩，香口又惹味。雞軟骨棒（2件）$48雞軟骨棒啖啖肉兼有咬口，加埋美味的醬汁，又是一個不錯的選擇。