炑八韓烤 (黃大仙中心南館)

营业中

休息中

今次黎到黃大仙呢間沐八，主打韓式食物既餐廳，今期既主題係大家意想不到既劇集人物，無錯就係魷魚遊戲既工作人員，侍應著曬正方形同三角形制服，真係好正呀，感覺好魔幻，而且依家仲主打聖誕主題，有呢個聖誕套餐優惠，大件夾抵食。叫左個聖誕月見和牛奇秒套餐，有成大盤牛做燒物之外，仲有無限添加既韓式配菜，泡菜，紫菜，芽菜，蘿白等等，都係任叫，真係好抵食呀。仲有芝士粟米係鍋邊任加，好正，食落好軟綿綿。仲有蛋醬泡菜，都係任加的，食落好過癮。今次魷魚遊戲主題，仲有個板板糖圖案，只要好似戲集咁，唔好整爛又拎到個圖案出黎，就可以有碟豬送，可惜本人失敗左，大家可以試下，輸左唔洗死既，哈哈。牛方面，有齊曬唔同部份，一次過滿足你幾個願望，唔同部份既油脂同口感都唔同，佢仲有專門碟等你分到，果然夠專業。