影片
更多
2022-10-08
62 浏览
相信見到咁多波波燈懸掛喺空中就知呢間就係近期熱門打卡餐廳J.Moon，餐廳以月球燈為主題，單單喺上空已經有160盞波波燈，顏色以橙色作主調，隨着時間會慢慢轉變，餐廳裏面設計簡約，面積唔算好大，座位之間都比較迫夾，而室外花園則以休閒藤桌椅，空間感會大好多，好適合一班朋友摸吓酒杯底咁😆😆而佢嘅餐牌種類唔算好多，但係嘢飲方面就花多眼亂，佢哋仲精心設計左12星座為主題嘅雞尾酒，除咗味道之外佢哋嘅賣相都非常吸引，仲非常受女士歡迎添嫁😍😍今日同朋友慶生之餘等我又介紹吓有啲咩好食推介先😌除咗嘢食之外，佢哋仲有x可以叫，職員會問你比較喜歡咩味而幫你調教出屬於自己既x，另外我哋嗌咗幾款唔同嘅菜式，包括有:🐟Grilled Cod Fish Crackers $68 :呢款鱈魚片最啱送酒，喺出面都好少食到，原來味道都唔錯，佢首先將鱈魚設成片，然後經過烤制，咬落非常香脆，味道有啲似脆嘅魷魚絲，魚嘅味濃郁得來唔會好腥，反而有一種一食上癮嘅感覺，值得一試🤤🤤🍕j.Moon Pizza $138 :而佢哋自家製嘅Pizza裏面係有煙三文魚，煙肉，火箭菜，菠蘿同埋流心蛋等，配搭非常新穎，味道都幾夾，因為流心蛋嘅關係
而佢嘅餐牌種類唔算好多，但係嘢飲方面就花多眼亂，佢哋仲精心設計左12星座為主題嘅雞尾酒，除咗味道之外佢哋嘅賣相都非常吸引，仲非常受女士歡迎添嫁😍😍
今日同朋友慶生之餘等我又介紹吓有啲咩好食推介先😌除咗嘢食之外，佢哋仲有x可以叫，職員會問你比較喜歡咩味而幫你調教出屬於自己既x，另外我哋嗌咗幾款唔同嘅菜式，包括有:
🐟Grilled Cod Fish Crackers $68 :呢款鱈魚片最啱送酒，喺出面都好少食到，原來味道都唔錯，佢首先將鱈魚設成片，然後經過烤制，咬落非常香脆，味道有啲似脆嘅魷魚絲，魚嘅味濃郁得來唔會好腥，反而有一種一食上癮嘅感覺，值得一試🤤🤤
🍕j.Moon Pizza $138 :而佢哋自家製嘅Pizza裏面係有煙三文魚，煙肉，火箭菜，菠蘿同埋流心蛋等，配搭非常新穎，味道都幾夾，因為流心蛋嘅關係令到層次更加豐富，而餅底烤到非常脆，唔錯👍🏻👍🏻
🍝Nasi Goreng-Styled Spaghetti with Prawns $148 :呢個意粉似係兩種唔同嘅味混合埋一齊嘅菜式，感覺有少少似印尼嘅菜式，但佢又結合左西式意粉嘅做法，除咗有蝦仁之外仲有印尼蝦片同串燒作伴碟，配搭幾特別，食落有好少嘅辣味啦，甜甜地，十分開胃，而蝦仁都非常彈牙，意粉嘅軟硬度剛好，唯一係份量有啲少，整體上唔錯😋
🐟Pan Seared Miso Salmon with Seasonal Vegetables $168:而最後一份就係煎三文魚柳配時蔬，佢嘅三文魚分量中等，外皮煎到香脆，肉質唔錯，冇雪藏味，而佢嘅配菜有甘筍，西式豆角同原粒薯仔，賣相唔錯😆😆
🍹Lyra,Phoenix $78 :最後我哋嗌咗兩杯Mocktails，雀仔形狀嘅係Lyra，佢係柚子汁，蘋果汁同薰衣草糖漿製成，味道超濃郁，好似濃縮左幾倍咁，若果味道淡啲會好飲好多，但呢幾種味道夾埋係唔錯😍，而另外嗰杯係Phoenix,佢係檸檬汁，蘋果汁，梳打水同埋青瓜加糖漿混合一齊，飲落非常清新，但有啲甜，整體同賣相都唔錯😆😆
有關原文係我ig有😌
张贴
