J.moon

朋友帶咗我去呢間位於旺角百寶利商業中心J moon 餐廳食晚飯，咁chill 嘅餐廳，非常有驚喜。食物和酒水款式都有好多，最特別有12星座cocktail，一定揀到自己嘅飲品。咖喱牛舌咖哩味十分香濃，加上焗製再多左一陣香氣。牛舌屬於厚肉又淋嘅口感，口味似牛脷嘅食法多啲，並唔係日式牛舌個種爽口彈牙。好食！金蠔辣肉腸Pasta蠔本身味好濃烈，個種味道似曬過嘅金蠔多過普通蠔肉，所以味道層次都會多好多，蠔嘅甜味配合辣肉腸嘅咸辣同埋番茄嘅酸甜，組合咗一個好特別嘅組合。炸魷魚圈配香蕉蛋黃醬炸魷魚圈好新鮮，炸嘅技巧控制得宜，基本上都會好食。但香蕉蛋黃醬真係夠新鮮，蛋黃醬香滑之餘，滲出淡淡香蕉嘅香甜，真係好好食。J Moon自家製Pizza呢個pizza 會形容為傳統上創新嘅味道，基本上係一個傳統正宗嘅莎樂美腸嘅pizza, 但佢加入左溫泉蛋，蛋汁混合後，令到每啖都更加香滑同埋滿足感。