J.moon

終於同朋友試到呢間Bookmark已久既餐廳🤩餐廳走悠閑型格風，有bar 枱位，天花板掛住好多個小月亮，好有心思！🌟 French Fries with Truffle Mayo✨小食黎講薯條一定係首選！薯條熱辣辣 脆卜卜，上面灑上海苔粉，好惹味！配黑松露醬起正！😋🌟 Fried Chicken Wings with Teriyaki Mayo✨單骨雞翼炸得好酥脆，味道微辣配埋甜甜到既日式照燒醬汁好夾呀！😍🌟 Thai Basil Sauce Spaghetti with Diced Beef牛肉同菇都好多😍個汁係微甜既泰式青醬而成，好特別！🌟 J.moon Pizza招牌！Pizza 係脆卜卜既薄底，好crispy呀😆上面有大量芝士、蘑菇、紅椒、火箭菜同埋一隻温泉蛋可以見到芝士拉絲既效果，打卡滿分呀🤩🌟 Mojito (Passion Fruit) 好中意佢夠多熱情果，夠晒酸😆本人酒量麻麻，特登叫佢調低啲酒精濃度，對我黎講就啱啱好喇☺️🌟 Phoenix口感好fresh造型好靚呀！😍環境好chill，坐得好舒服，食物質，絕對會再encore😋